Akinamama Nchini wamekumbushwa kuendelea kuwa wavumilivu ndani ya matukio ya uvunjifu wa amani Nchini yanayoonekana kujichomoza katika baadhi ya wakati ambayo wakiyashabikia waathirika wakubwa ni wao na watoto.
Kumbusho hilo limetolewa na Mke wa Makamu wa Pili wa Rais wa Zanzibar Mama Asha Suleiman Iddi wakati akiufungua Mkutano Mkuu
wa Umoja wa Wanawake Tanzania { UWT } Mkoa wa Mjini uliofanyika hapo
katika ukumbi wa Mikutano wa Afisi Kuu ya CCM Kisiwandui Mjini Zanzibar.
Mama
Asha Alisema Dunia imekuwa ikishuhudia madhara yanayowakumba akina mama
na Watoto kutokana na mwanzo wa cheche ndogo zinazoachiwa kuchochoewa
na baadhi ya watu na vikundi kwa maslahi yao binafsi bila ya kujali
athari inayoikumba Jamii yote husika.
Alisema
suala la amani limekuwa likisisitizwa na Viongozi kila wakati na
kutajwa hata katika Vitabu vya dini lakini baadhi ya watu wamekuwa
wakilifanyia mzaha unaopelekea kudharau hata maamrisho hao ya Dini .
Akizungumzia
Uchaguzi Mama Asha aliwataka wanachama hao wa UWT kuhakikisha kwamba
watu watakaowachagua ni wale watakaokiongezea nguvu za uwajibikaji Chama
chao kwa kuwa watetezi safi wa Sera na Ilani ya CCM wakati wote.
Alisema udhaifu
wa baadhi ya Viongozi uioonekana kukipatia mtikisiko chama chao
unatokana na ile tabia ya Wanachama kuwapa nafasi watu ambao wanaingia
kwenye Uongozi kwa kuzingatia zaidi maslahi yao binafsi.
“
Wapo baadhi ya watu wanaojifanya kuvaa nguo za Kijani na manjano wakati
wa mchana na kuhubiri sera za Chama huku usiku wakizibeza sera hizo na
kusahau kwamba ndio zilizowapatia fursa hiyo inayowapelekea kuwa na
kiburi”. Alifafanua Mama Asha.
“ Ukweli ni kwamba hata
kama ni mpenzi, ndugu au rafiki yako lakini kama hafai huwajibiki kumpa
fursa hiyo ya Uongozi kukuongoza”. Atakutia shimoni tu siku moja.
Alitanabahisha Mama Asha.
Aliwataka
Wanachama hao wa UWT kufanya kazi kwa ushirikiano mara wamalizapo
uchaguzi wao kwa lengo la kuiwezesha Jumuiya hiyo kuwa muhimili mkubwa
wa Chama cha Mapinduzi.
Akitoa
Taarifa fupi ya kazi za UWT Mkoa Mjini Katibu wa Jumuiya hiyo BibiAsia
Juma Khamis alisema kumekuwa na maendeleo ya Ustawi wa Jamii kufuatia
Wanawake wengi kukubali kujiunga katika vikundi vya ushirika.
Bibi
Asia alisema hatua hiyo imezingatia zaidi kuwawezesha Wanawake wengi
kujikita katika dhana nzima ya kujitegemea ili kuondokana na utegemezi
ambao umekuwa mzigo katika familia nyingi nchini.
Katibu
huyo wa UWT Mkoa Mjini alielezea kwamba Jumuiya hiyo imelaani kitendo
cha vurugu zilizojitokeza wakati wa Uchaguzi wa Jimbo la Bububu hivi
karibuni ambazo zimeleta sura mbaya katika muelekeo wa Demokrasi Nchini.
Alisema
Wananchi wengi na hasa wale wanawake wa Chama cha Mapinduzi walikosa
kutumia fursa hiyo kwa kuhofia maisha yao kutokana na vitisho
vilivyoandaliwa na baadhi ya Vijana wa Kihuni.
Akitoa shukrani kwa niaba ya Wanachama hao wa UWT Mkoa Mjini Katibu
wa CCM Mkoa Mjini Magharibi Al Hajj Rajab Kudya alimpongeza Mama Asha
Suleiman Iddi kwa michango yake mbali mbali anayoitoa ndani ya Chama
hicho kupitia Jumuiya zake.
Al
Hajj Rajal alimtaja Mama Asha kuwa ni Mwanamke bora katika kuendeleza
Chama Cha Mapinduzi ambae mchango wake umeiwezesha CCM kujivunia katika
Maendeleo ya Jumuiya zake.
Katika Ufunguzi huo Mama Asha Suleiman Iddi alichangia Shilingi Laki Nne { 400,000/- } kusaidia harakati za uchaguzi za Jumuiya hiyo ya Wanawake Tanzania { UWT } Mkoa Mjini.
Othman Khamis Ame
Ofisi ya Makamu wa Pili wa Rais wa Zanzibar
0 comments:
Post a Comment