Tamasha hili limejikita zaidi katika kuonyesha filamu
maalumi za watoto ambo zipo kwenye rika la chini ya miaka 12.
Lengo kuu la tamasha letu ni kuwaweka pamoja watoto,
kuwajengea uwezo na ufahamu wa mambo mbali mbali yahusuyo filamu ikiwa ni
pamoja ya kutengeza filamu kwa kupitia mafunzo na semina ambazo WIFF
imeziandaa.
Watoto Internationla Film Festival kwa kushirikiana na
taasisi nyengine nchini imekusudia kufufua michezo ya kitoto ambayo kwa sasa
imepotea na kupotea huko kunaleta shida katika kulinda na kuhifadhi mila,
desturi na tamaduni za Zanzibar kwa kupitia watoto ambao ndio warithi wakuu wa
tamaduni zetu na kizazi kijacho cha Zanzibar.
Katika tamasha la kwanza jumla ya filamu 32 zimepokelewa
na filamu 30 ndio zitaonyweshwa.
Filamu hizo zimepokelewa kutoka mataifa mbali mbali
ikiwemo wenyeji Tanzania,Spain, Brasil, Ujerumani, Kolombia, Uholanzi,
Ubeligiji, Ufaransa, Urusi, Bulgeria, Mexico na Argentina.
Lengo la tamasha ni kuwaweka watoto pamoja na kuweza
kupaza sauti zao kupitia njia ya filamu ambapo WIFF tunaamini hii ni njia
mbadala kwa watoto, kupaza sauti zao na kusilikzwa kwa vile jamii inakosa
kuwasikiliza watoto na hivyo watoto kujiona wametengwa na jamii zao na hata
pale wanapopata majangwa ya udhalilishaji pia kusikiliza ni hashida na wakati
mwengine pia huadhibiwa.
Mbali ya kuwakusanya na kuwaweka pamoja watoto, lakini
tunapenda kuwahakikishia wananchi kwamba kwa muda wote wa tamasha hapa
Mapinduzi Square, kutakuwa na ulinzi na uslama wa hali ya juu kwa ajili ya
kuwalinda na kuwahifadhi watoto wetu.
Licha ya ulinzi huo, ni vyema kwa kila mtu, mzazi,
mlezi pindi wanapokuja kwenye tamasha letu nao wawe na hadhari kubwa juu ya
usalama wa watoto na mali zao, kwani ni wajbu wa kila mlezi au mzazi kumlinda
na kumchunga mwanawe, na pale kunapotokea khitifau basi Uongozi wa Watoto
International Film Festival (WIFF) watashirikiana na vyombo vya ulinzi na
usalama kwa hatua zaidi.
Aidha, mingoni mwa malengo yake makuu ni kuwawezesha
watoto kuweza kufahamu haki zao za msingi, kwa mujibu wa sheria pamoja na
wajibu wao kama taifa na viongozi wa kesho. Ikiwa ni pamoja na kuibua vipaji
vyao na kiviendelea kupitia tathia ya filamu nchini.
Tamasha la Watoto International film Festival, ni
tamasha la pili la filamu kwa Zanzibar, lakini hili litakuwa ni maalumu na la
kipekee na hasa kwa vile limejikita moja kwa moja kwa watoto, na hadi sasa zipo
takribani filamu 100 za watoto tulizozipoke kutoka mataifa mbali mbali, ndani
ya tamsha hili kutakuwa na siku tatu maalumu ambazo zimepewa jina la SHULE
FILAMU ni maalumu kwa ajili ya kuwanda toto tu.
Tamasha hili la Watoto limedhaminiwa na ZSSF, Wizara
ya Utalii na Mambo ya Kale,Purelife, Mozeti Tours and Safari, ZIFF, ZATO, Isam
Tours and Safari, Mambo Tv, na Uroja Carnival
Ali Othman
Afisa Habari.
Watoto Internation Film Festival.
0715 422061.
0 comments:
Post a Comment